بيشدد العلماء على اهمية لغة الجسد للمناعة وصحة القلب ده بالاضافة لاهميتها على الصحة العامة والنفسية , بس السؤال هنا , هو الكلام ده صح ولاغلط؟ , تعالوا نعرف مع بعض.
الجلوس والوقوف
وقفتك
اوقعدتك بتحدد نتيجة قراراتك ونسبة نجاحك وكمان بتحدد رؤية الناس ليك , وفي
دراسات كتير بتقول ان وضعية الجلوس المستقيمة بتولد مشاعر ايجابية عند
الانسان بعكس اي جلسة تانية ممكن تولد الشعور بالكآبة او الأنهزامية يعني
مثلا لو قعدت مع صحابك او في اجتماع وانت مربع ايديك ده ممكن يولد احساس
بالانهزامية يحس بيه كل اللي حواليك والعكس صحيح يعني لو قعدت وانت فارد
ايديك على المكتب مثلا هاتدي انطباع للناس اللي حواليك انك انسان واثق في
نفسه , وده اللي اكده الباحثون “دانا كارني وايمي كادي واندي ياب” في دراسة
عملوها عن تأثير لغة الجسد على البشر.
العناق والمصافحة
العناق
والمصافحة بيساعدوا في افراز هرمون “الاوكسيتوسين” والمعروف بهرمون الثقة
وده بيعزز الشعور بالامان والثقة في العلاقات وبيعزز الشعور بالتفاؤل
وبيخفف من التوتر والاكتئاب , وفي دراسات اكدت ان كتر عناق الاطفال بيزيد
من افراز هرمون “الاوكسيتوسين” واللي بيساعد كرات الدم البيضاء على قتل
الفيروسات , كمان الهرمون ده عامل مساعد في نجاح اي رجيم غذائي.المواقف المحرجة
بيقول
“د.كريج ماركر” استاذ علم النفس انه لما كان بيعالج مرضى الرهاب الاجتماعي
(وده نوع من المرض بيصيب الانسان بحالة من الخوف من التعامل مع الناس
اوالتعرض لمواقف محرجة) كان بيعرضهم لمجموعة من التمارين زي الكلام مع ناس
غريبة او يخليهم يتعرضوا لمواقف محرجة بشكل متعمد , وبيقول ماركر ان
التمارين دي بتعرف اجسام المرضى انهم مش في خطر وبتقلل من الاعراض
الفسيولوجية اللي بينتج عنها القلق والتوتر وكمان وضعية الهجوم والهروب
اللي بيقوم بيها الجسم بشكل تلقائي بتتحسن عن طريق التغيير السلوكي المفاجئ
وكمان بتزيد من افراز هرمون الادرينالين “هرمون الشجاعة”.
الابتسام
لاحظ
“تشارلز جارفيلد” مدرب فريق روسيا الاوليمبي لرفع الاثقال انه لما اللاعيبه
بتتعب في التدريب بتكشر , علشان كده حاول يخليهم يضحكوا كل ما يتعبوا
فلاحظ ان اداءهم بيتحسن بمعدل من مرتين لثلاثة مرات ,وبيفسر العلماء الكلام
ده ان التكشير او الزعل بيفرز مواد كيميائية للدماغ بتصعب على الجسم اي
مهمة بيقوم بيها مهما كانت سهلة والعكس صحيح.
Subscribe to:
Post Comments (Atom)
No comments:
Post a Comment
Comment Policy
We’re eager to see your comment. However, Please Keep in mind that all comments are moderated manually by our human reviewers according to our comment policy, and all the links are nofollow. Using Keywords in the name field area is forbidden. Let’s enjoy a personal and evocative conversation.